ជោគជយ័ជាមួយOnline Marketing

អ្វីខ្លះដែលអតិថិជនត្រូវការពិតប្រាកដ?

មូលដ្ឋានគិត

ដោយចំណាយពេល៤ថ្ងៃក្នុងមួយសប្តាហ៍ ថ្មីៗនេះខ្ញុំបានកត់សំគាល់ឃើញថាប្រភេទស្រោមដៃម្យ៉ាងគឺ “ស្រោមដៃពណ៍ខៀវ” កំពុង​តែប្រែក្លាយជាមានប្រជាប្រិយភាពយ៉ាងពិតប្រាកដក្នុងចំណោមអ្នកហាត់ប្រាណ។ ខ្ញុំចូលចិត្តរូបរាងរបស់វា ហើយខ្ញុំបានទិញវាមួយ​ពីហាងដែលធ្លាប់បានលក់វាដែលមានទីតាំងស្ថិតនៅពីរបីជំហានពីក្លឹបហាត់ប្រាណ។

ពីរបីសប្តាហ៍ក្រោយមកផលិតផលនោះកាន់តែមានតំរូវការខ្លាំងឡើង ហើយមនុស្សជា​ច្រើនចាប់ផ្តើមសំដៅមកខ្ញុំ ហើយសួរនាំពីទីកន្លែងដែលខ្ញុំបានទិញ​ស្រោមដៃនោះ។នៅពេលដែលស្រោមដៃខ្ញុំរហែក ខ្ញុំបានទៅរកទិញមួយទៀត​មកផ្លាស់ប្តូរពីព្រោះខ្ញុំមានផាសុខភាពក្នុងការប្រើវាខ្លាំងណាស់។

ការឆ្លើយតបដ៏គួរអោយខកចិត្តដែលខ្ញុំទទួលបានពីម្ចាស់ហាងគឺ “ពេលនេះយើងមិនមាន​ស្រោមដៃនេះឡើយ ហើយម្យ៉ាង​ទៀតវាមិនល្អសំរាប់ប្រើប្រាស់ពេលហាត់​ប្រាណឡើយ ពីព្រោះវានឹងធ្វើអោយបាត់បង់ជាតិខ្លាញ់ពីក្នុងដៃអ្នក”។

ចំលើយរបស់បុរសម្នាក់នោះពិតជាគួរអោយភ្ញាក់ផ្អើលណាស់ពីព្រោះគាត់ឈប់លក់នូវ​ផលិតផលដែលមនុស្សជាច្រើន​នៅជាប់នឹងហាងរបស់គាត់កំពុងត្រូវ​ការយ៉ាងខ្លាំង!!! មិនត្រឹមតែប៉ុណ្ណោះទេគាត់ថែមទាំងមិនបានផ្តល់ពត៌មានលំអិតពីមូលហេតុដែលវា​បណ្តាលអោយបាត់បង់ខ្លាញ់​ក្នុងប្រអប់ដៃអោយបានច្បាស់លាស់ ដែលវានឹងបណ្តាលអោយដៃយើងរួមតូចឡើយ។

ដើម្បីយល់ច្បាស់ពីអតិថិជនអ្នកត្រូវក្លាយខ្លួនឯងជាអតិថិជនម្នាក់ក្នុងចំណោមពួកគេ

បើសិនជាថ្ងៃណាមួយម្ចាស់ហាងនោះបានទៅកន្លែងហាត់ប្រាណ គាត់នឹងបានដឹងថាស្រោមដៃ​នោះពិតជាមានផាសុខភាព ហើយដែលមនុស្សគ្រប់គ្នាចូលចិត្ត​ប្រើវា។ ដូច្នេះគាត់​អាចទិញវាយ៉ាងច្រើនយកមកលក់ហើយលក់វាបានយ៉ាង​ជោគជយ័គ្រប់ពេល។

ការធ្វើអាជីវកម្មOnlineគឺមិនមែន “ផ្ញើរសារអ៊ីមែលលួចលាក់ ឬស្វែងរកកលល្បិចពិសេសអស្ចារ្យ ដែលអាចជួយអ្នកអោយរកលុយ​បាន១លានដុល្លាក្នុងមួយសប្តាហ៍​ឡើយ”តែវាជាសកម្មភាពស្វែង​យល់ពីអ្វីដែលអតិថិជនរបស់អ្នកត្រូវការ និងចង់បានពិតប្រាកដ បន្ទាប់មកផ្តល់អោយពួក​គេនូវផលិតផលដ៏ជាទីពេញចិត្តសំរាប់បំពេញ​តំរូវការទាំងនេះ។

ជោគជយ័ជាមួយនឹង Online Marketing

ប្រសិនបើអ្នកចង់ជោគជយ័ជាមួយនឹងOnline Marketing អ្នកត្រូវដាក់ខ្លួនអ្នកផ្ទាល់ជាមួយ​នឹងអតិថិជន ត្រូវស្វែងយល់ពីរបៀប​ដែលពួកគេគិត ពួកគេធ្វើ និងប្រព្រឹត្ត។

ចូរឡើងទៅOnline​ហើយធ្វើខ្លួនជាអតិថិជនម្នាក់ ព្យាយាមរំលេចចេញរូបភាពនៃស្ថានភាពពួកគេ ដូច្នេះហើយអ្នកបាន​ចាប់ផ្តើមគិតដូចពួកគេ ហើយមើលឃើញនូវអ្វីដែល​អ្នកនឹងត្រូវធ្វើ ឃើញអ្វីដែលអ្នកនឹង​ត្រូវស្វែងរក ហើយទំនិញអ្វីដែលអ្នកនឹងចង់ទិញ។

ចំនុចពិសេសដែលយើងត្រូវធ្វើលើវេបសាយរបស់យើងដែលអាចផ្តល់លទ្ធផលកំណើននៃការលក់ គឺមិនមែនកើតចេញពីការអាននោះឡើយ ប៉ុន្តែវាកើត​ចេញពីទង្វើដែលត្រូវធ្វើអោយ​ដូចទៅនឹងអតិថិជនរបស់យើងគាត់ធ្វើគ្រប់ពេលវេលា គ្រប់នាទីជាបន្តបន្ទាប់។

ការយល់ច្បាស់ពីរបៀបនៃការគិតរបស់អ្នកចូលទស្សនាគឺជាជំហានដ៏សំខាន់ដើម្បី​សាងសង់ភាពជោគជយ័ចំពោះOnline Business បើមិនដូច្នោះទេអ្នកមិនអាចលក់ស្រោមដៃ​ដែលមនុស្សគ្រប់គ្នាពិតជាត្រូវការបានឡើយ។

ការយល់ដឹងអំពីពិភពអ៊ីនធើនែតសព្វថ្ងៃបានបង្កើតអោយមានជា Online Marketing ជាយុទ្ធសាស្រ្តមួយ​ក្នុងចំណោមយុទ្ធសាស្រ្តផ្សព្វផ្សាយពាណិជ្ជកម្មដែលមានសក្តានុពល ដែលក្រុមហ៊ុនអាច​ប្រើប្រាស់ដើម្បីជំរុញការលក់ទំនិញ និងសេវាកម្ម។ ប្រជាប្រិយភាពនៃផ្សព្វផ្សាយ Internet Marketing ឬ Online Business ក៏កើតឡើងដោយសារភាពជាក់ស្តែងដែលWeb Marketing ត្រូវបានបង្ហាញយ៉ាងច្បាស់ថាវាស្ថិតក្នុងចំណោមវិធីសាស្រ្តយ៉ាងមានប្រសិទ្ធិភាព​ដើម្បីទាញយកទាំងអតិថិជនដែលមានសក្តានុពល និងអតិថិជនដែលកំពុងមានស្រាប់។

ដើម្បីដំណើរការយុទ្ធនាការដោយជោគជយ័លើOnline អ្នកគ្រប់គ្រងអាជីវកម្ម និងអ្នកទីផ្សារត្រូវយល់ដឹងពីជំហានជាមូលដ្ឋានខាងក្រោម និងធាតុផ្សំផ្សេងៗដែលពាក់ពន្ធ័សំរាប់ដាក់អោយដំណើរការនូវយុទ្ធនាការទីផ្សារអ៊ីនធើនែដ៏ជោគជយ័មួយ។

កំណត់គោលដៅអតិថិជនសំរាប់អាជីវកម្ម

ដើម្បីអាចដំណើរការផ្សព្វផ្សាយតាមអ៊ីធើនែតប្រកបដោយប្រសិទ្ធិភាព ជំហានដំបូងបង្អស់​យើងត្រូវកំណត់អ្នកណាដែលនឹងត្រូវចូលរួមជាមួយអតិថិជនផ្ទាល់។ វាសំខាន់ខ្លាំងណាស់ដែលយើង​ត្រូវដឹងថាតើបណ្តុំនៃអតិថិជនដែលមានសក្តានុពល និងដែលយើងកំពុងមានស្រាប់គឺជាមនុស្ស​ស្រី ប្រុស យុវវយ័ សិស្ស ឬប្រភេទផ្សេងៗដែលយើងអាចកំណត់អត្តសញ្ញាណបាន។ យើងអាចធ្វើការកំណត់អតិថិជនរបស់យើងតាមរយៈទិន្នយ័អតិថិជនដែលមានស្រាប់, តាមរយៈការស្ទាបស្ទង់ ឬធ្វើការស្រាវជ្រាវទីផ្សារ។ វាក៏មានសារសំខាន់ផងដែរក្នុងការយល់ដឹងពីចំណាប់អារម្មណ៍របស់អតិថិជនដែលមានសក្តានុពលរបស់យើង។

ការដឹងពីអ្នកដែលត្រូវចូលរួមផ្ទាល់ជាមួយអតិថិជន និងពីចំណាប់អារម្មណ៍របស់ពួកគេគឺអាចបើកផ្លូវអោយក្រុមហ៊ុនធ្វើការកំណត់នូវប្រភេទពិសេសនៃយុទ្ធសាស្ត្រទីផ្សារអ៊ីនធើនែត ដែលនឹងសមស្របសំរាប់ចាប់យកអតិថិជនត្រឹមត្រូវ។ ក្រោយពីបានដឹងពីអតិថិជនដែលជាគោលដៅរបស់យើង អ្នកទីផ្សារអាចសំរេចចិត្តធ្វើការផ្តោតទៅលើយុទ្ធនាការតាមអ៊ីមែល តាមការផ្សព្វផ្សាយលើ​ប្រពន្ធ័Pay-Per-Click ឬក៏ផ្ទាំងផ្សាយពាណិជ្ជកម្មផ្សេងៗដែលមានអត្ថនយ័ដើម្បីឈោងចាប់យកអតិថិជនជាគោលដៅរបស់យើង។

ជ្រើសរើសគេហទំពរ័សំរាប់Internet Marketing

ការកំណត់គេហទំពរ័ត្រឹមត្រូវសំរាប់ធ្វើការផ្សព្វផ្សាយ គឺមានសារសំខាន់ដូចទៅនឹងការ​សំរេចចិត្តធ្វើInternet Marketing​ដែរ។ ត្រូវកំណត់អ្នកណាជាអតិថិជនដែលមានសក្តានុ​ពល បន្ទាប់មកយើងត្រូវជ្រើសយកវេបសាយណាដែលមានប្រជាប្រិយភាពត្រូវនឹងប្រភេទអតិថិជនរបស់​យើង។ ការដាក់ផ្សព្វផ្សាយពាណិជ្ជកម្មដែលគោលដៅអតិថិជនជាប្រុស នៅលើវេបសាយ​ណាដែលអ្នកចូលទស្សនាច្រើនជាស្រី និងមិនអាចជួយយើងបានឡើយ។ យើងអាចផ្សព្វ​ផ្សាយនៅទីកន្លែងណាក៏ដោយ ជាការសំខាន់គឺត្រូវបំពេញឱ្យពួកគេជាមួយនឹងការ​ផ្សព្វផ្សាយនិងយុទ្ធនាការនៅលើគេហទំព័រផ្ទាល់របស់ក្រុមហ៊ុន។ ការផ្សព្វផ្សាយតាមរយៈ​អ៊ីមែលក៏ជាវិធីមួយក្នុងការជំរុញការផ្សព្វផ្សាយOnlineផងដែរ។

ប្រើប្រាស់ Facebook, Twitter, Youtube, StumbleUponផ្សព្វផ្សាយតាមវេបសាយបណ្តាញសង្គមដូចជា Facebook, flixter, twitter និងវិដេអូផ្សព្វ​ផ្សាយតាមYoutubeអាចជាទំរង់ល្អមួយសំរាប់ផ្សព្វផ្សាយOnlineដែលអាចដាក់តាម pay-per click, ផ្ទាំងពាណិជ្ជកម្ម និងតាមទំរង់អាទិភាពផ្សេងទៀតនៃការផ្សព្វផ្សាយតាម​អ៊ីនធើនែត។ ដូច្នេះវាអាចមានសារសំខាន់សំរាប់អ្នកទីផ្សារ និងភ្នាក់ងារផ្សព្វផ្សាយដើម្បី​ចូលរួមក្រុមពិភាក្សាលើអ៊ីធើនែត និងតាមបណ្តាញសង្គមផ្សេងៗ។ ការបង្កើតFacebook Group សំរាប់ផ្សព្វផ្សាយយីហោក៏អាចជាវិធីមួយល្អសំរាប់យុទ្ធសាស្រ្តទីផ្សាតាមអ៊ីនធើនែត​ផងដែរ។

បង្កើតមាតិការផ្សព្វផ្សាយតាមអ៊ីនធើនែត (Internet Ad Content)

ក្រោយពីបានដឹងពីអ្នកដែលជាត្រូវចូលរួមជាមួយនឹងអតិថិជន និងជ្រើសរើសវេបសាយ​ដែលត្រូវប្រើប្រាស់សំរាប់ផ្សព្វផ្សាយOnlineរួចហើយ ជំហានបន្ទាប់គឺត្រូវបង្កើតមាតិការ​សំរាប់ផ្សាយពាណិជ្ជកម្ម។ អ្នកជំនាញបានផ្តល់ដំបូន្មានថា មាតិការល្អគឺជាការផ្សព្វផ្សាយ​ទាំងឡាយណាដែលផ្តោតចំពោះអតិថិជនជាជាងទៅលើក្រុមហ៊ុន។ ការប្រើប្រាស់ពាក្យ​ដូចជា “អ្នក” និង “របស់អ្នក” ក្នុងការផ្សព្វផ្សាយគឺល្អប្រសើជាងពាក្យដូចជា “ខ្ញុំ” “របស់ខ្ញុំ” “យើង” ឬ “របស់យើង” ជាដើម៕

ចែករំលែកអត្ថបទទៅកាន់ :

អត្ថបទដែលទាក់ទង