វីដេអូបែបណាទើបរកលុយបាន

តើអ្នកដឹងទេថាតើវីដេអូបែបណាដែលលោកអ្នកអាចបញ្ចូលក្នុងយូធូប ហើយអាចរកលុយបានពីវា? មានអ្នកប្រើប្រាស់ភាគច្រើនមានការភ័ណច្រឡំចំពោះរឿងនេះ។ ពួកគាត់យល់ថាឲ្យតែវីដេអូល្អៗគឺដាក់បានហើយ រកចំណូលបានទៀត។ តាមពិតពួកគាត់និយាយត្រូវខ្លះដែរ។ វីដេអូដែលល្អ និងគួរជាទីចាប់អារម្មណ៍របស់មិត្តអ្នកទស្សនាគឺប្រាកដជារកលុយបានច្រើន តែអ្នកអ្វីពួកគាត់យល់ច្រឡំគឺថា ទាល់វីដេអូនោះជាវីដេអូរបស់លោកអ្នកទើបក្រុមហ៊ុនយូធូបអនុញ្ញាតឲ្យរកលុយលើយូធូបាន។ ហើយនៅមានការយល់ច្រឡំជាទៀតដែលលោកអ្នកមិននឹកស្មានដល់។

ដូច្នេះបានជាយើងខ្ញុំសរសេរអត្ថបទនេះឡើង។ វាជាការប្រពៃណាស់ដែលលោកអ្នកមានវីដេអូល្អៗ តែសូមវីដេអូនោះជាកម្មសិទ្ធិផ្ទាល់របស់លោកអ្នក។ លោកអ្នកមិនត្រូវយករបស់អ្នកដទៃមកប្រើប្រាស់ជារបស់ផ្ទាល់ខ្លួនឡើយ។ ក្នុងករណីដែលក្រុមហ៊ុនរកឃើញថាអ្នកយករបស់អ្នកដទៃមកបន្លំ នោះនឹងមានការពិន័យយ៉ាងធ្ងន់ធ្ងរ។

ខាងក្រោមនេះជាលក្ខ័ណ្ឌមួយចំនួនដែលលោកអ្នកត្រូវដឹង និងប្រកាន់ខ្ជាប់បើលោកអ្នកចង់ក្លាយជាអ្នករកលុយបានច្រើន និងយូរអង្វែងជាមួយក្រុមហ៊ុនយូរធូប៖
១. បង្កើតវីដេអូផ្ទាល់ខ្លួន
២. លោកអ្នកមានសិទ្ធិស្របច្បាប់ក្នុងការប្រើប្រាស់វីដេអូនោះ
៣. ត្រូវមានការឆ្នៃប្រឌិតក្នុងវីដេអូរបស់ខ្លួន
៤. មិនបង្ខំ ឬបញ្ចុះបញ្ចូលឲ្យអ្នកដទៃចុចមើល ឬចុចវីដេអូរបស់ខ្លួនដើម្បីបានលុយឆាប់ៗឡើយ
៥. លោកអ្នកមិនអាចបញ្ចូលវីដេអូច្រើនជាង ៥ ក្នងមួយថ្ងៃចូលយូធូបឡើយ (មូលហេតុគឺថា គ្មានអ្នកណាអាចបង្កើតវិដេអូបានយ៉ាងច្រើនក្នុងមួយថ្ងៃឡើយ ៥ វីដេអូគឺវាស្ទើរតែលើសពីសមត្ថភាពរបស់មនុស្សទៅហើយ)។

ជាសរុប សូមចងចាំថាវីដេអូដែលលោកអ្នកអាចដាក់បញ្ចូលក្នុងយូរធូបបាន ហើយអាចរកលុយជាមួយយូធូបបានទាល់តែជាវីដេអូរបស់អ្នក មិនមែនក្លែងរបស់អ្នកដទៃឡើយ។

ចែករំលែកអត្ថបទទៅកាន់ :

អត្ថបទដែលទាក់ទង