ក្រៅពីការសិក្សាទៅតាមសាលា ឬសាកលវិទ្យាល័យ និស្សិតគួរព្យាយាមស្វែងរកប្រភពសិក្សាបន្ថែមនៅលើ Online តាមរយៈអ៊ីនធឺណិត ដ៏សម្បូរបែបនេះ ដែលអាចនិយាយបានថា គ្រប់មុខវិជ្ជាសិក្សាទាំងអស់ដែលអ្នកកំពុងសិក្សា សុទ្ធសឹងតែមាននៅលើតំបន់បណ្តាញ (Website) នានាទាំងភាសាបរទេស និងភាសាខ្មែរ ។
ជំនាញនីមួយៗ ត្រូវការ Update ពីមួយថ្ងៃទៅមួយថ្ងៃ ដែលជាហេតុតម្រូវឲ្យលោកអ្នកបន្តការសិក្សាបន្ថែម ជាប្រចាំ ។ ខាងក្រោមនេះ ជាបណ្តុំគេហទំព័រ Training ទាំង ៥ ដែលសម្បូរទៅដោយមុខវិជ្ជាសិក្សាដែលលោកអ្នកអាចមើល និងអនុវត្តន៍តាមបានយ៉ាងងាយ ប៉ុន្តែលោកអ្នកត្រូវចុះឈ្មោះបង់ប្រាក់ទើបអាចទស្សនាបានពេញលេញ គ្រប់មុខវិជ្ជាដែលលោកអ្នកត្រូវការ ។
១. គេហទំព័រ Lynda.com
Lynda.com ជាក្រុមហ៊ុនដែលផ្តល់ការសិក្សានៅលើ Online ដែលអាចជួយលោកអ្នកឲ្យសិក្សាពីកម្មវិធីរចនានានា, ការអភិវឌ្ឍ Software និងជំនាញអាជីវកម្មដទៃទៀត ដើម្បីសម្រេចបាននូវគោលដៅផ្ទាល់ខ្លួន និងជំនាញវិជ្ជាជីវៈរបស់ខ្លួន ។ ជាមួយនឹងចុះឈ្មោះជាសមាជិករបស់ lynda.com នឹងមានសិទ្ធិចូលដំណើរការទៅកាន់បណ្ណាល័យដ៏ធំ ដែលមានវីដេអូគុណភាពខ្ពស់នាពេលបច្ចុប្បន្ននិងការបង្រៀនវីដេអូដ៏គួរចាប់ចិត្តគ្មានដែនកំណត់ ។ វគ្គសិក្សាថ្មីៗ និងប្រធានបទត្រូវបានបន្ថែមជារៀងរាល់សប្តាហ៍ ដោយមិនត្រូវចំណាយប្រាក់បន្ថែមទៀតទេ ។
២. គេហទំព័រ Infiniteskills
ជាមួយនឹងគុណភាពវីដេអូច្បាស់កម្រិតខ្ពស់ដែលផ្តល់ដោយ Infinite Skill ដែលមានជំនាញមូលដ្ឋានគ្រឹះដ៏ច្បាស់លាស់នៃការបណ្តុះបណ្តាវីដេអូបង្រៀន ជំនាញកម្មវិធីកុំព្យូទ័រ និងភាសា Programming សម្រាប់សរសេរកូដ ជាដើម ។ លោកអ្នកអាចសិក្សាតាមរយៈកុំព្យូទ័រលើតុ (Desktop) ឧបករណ៍ទំនើបៗដូចជា iPad, iPhone ឬទូរសព្ទទំនើបដទៃផ្សេងទៀត បានផងដែរ ។ ការសង្កត់ធ្ងន់ទៅលើផលិតផលរបស់ Infinite Skill ត្រូវបាន Update ជាប្រចាំឲ្យទាន់សម័យកាលនៃកម្មវិធីចេញថ្មីៗ ដែលតែងតែងសមសម្របជាមួយនឹងទីផ្សារការងារ និងបច្ចេកទេសបង្កើនធនធានជំនាញ ។
៣. គេហទំព័រ Pluralsight
Pluralsight ជាគេហទំព័រមួយផ្សេងទៀតសម្រាប់អ្នកអាយធី ទាក់ទងនឹងជំនាញបង្កើតគេហទំព័រ ឬប្លក់ ជំនាញឌីហ្សាញ ជាដើម ។ លោកអ្នកអាចចុះឈ្មោះប្រើសាកល្បង (Trail) រយៈពេល ១០ថ្ងៃ ឬ ទស្សនាវីដេអូ ២០០ នាទី ដោយឥតគិតថ្លៃ ។
៤. គេហទំព័រ Safaribooksonline
ចំណែក Safari Book Online បានបង្កើតឡើងក្នុង ខែកក្កដា ឆ្នាំ ២០០១ ។ ផលិតផលសំខាន់របស់ពួកគេ គឺជាបណ្ណាល័យ ឌីជីថល ដែលតម្រូវឲ្យអ្នកជាវជាប្រចាំ (បង់ប្រាក់ប្រចាំខែឬ ឆ្នាំ ជាដើម) មុននឹងអាចចូលមើលសៀវភៅ និងវីដេអូក្នុងបណ្ណាល័យបាន ។ គម្រោងជាវ លោកអ្នកអាចជ្រើសរើសបាន ដែលទីមួយគឺជម្រើសមានកំណត់ ក្នុងការចូលអានសៀវភៅក្នុងមួយខែៗ និងគម្រោងឥតកំណត់ ។ មុខវិជ្ជាដែលលោកអ្នកអាចសិក្សាពី Safari Online Book មានដូចជាភាពជាអ្នកដឹកនាំ ភាពជាសហគ្រិន អាយធី ការអភិវឌ្ឍគេហទំព័រ ជំនាញរចនា និងជំនាញបច្ចេកទេសមួយចំនួនទៀត ។
៥. គេហទំព័រ Cadlearning
CADLearning មានមាតិកាដ៏សំបូរបែបទាក់ទងនឹងជំនាញវិជ្ជាជីវៈបច្ចេកទេស ដែលលោកអ្នកអាចសិក្សាបានលឿន និងងាយអនុវត្តន៍តាម ។ វីដេអូបង្រៀនភាគច្រើនត្រូវបានរចនាឡើងសម្រាប់ Autodesk 2D និង 3D និងការងារសម្រាប់វិស្វកម្មបច្ចេកទេស រួមជាមួយកម្មវិធីកម្សាន្តមួយចំនួនទៀត ។ បណ្ណាល័យ CADLearning បន្តការរីកលូតលាស់ ដែលបច្ចុប្បន្ននេះមានការចេញផ្សាយកម្មវិធីថ្មីបំផុតសម្រាប់ AutoCAD®, Civil® 3D®, Inventor®, Maya, Revit, 3ds Max និងច្រើនជាងនេះ សម្រាប់ការសិក្សាដោយខ្លួនឯងបាន ។
មាតិកា CADLearning ត្រូវបានបង្កើតឡើងដោយអ្នកជំនាញឧស្សាហកម្មរួមទាំងគ្រូដែលមានជំនាញវិជ្ជាជីវៈក្រុមហ៊ុន CAD / BIM និងគ្រូបង្វឹកប្រឹក្សាយោបល់និងបទពិសោធអ្នកប្រើប្រាស់ ៕
តើអ្នកមានចម្ងល់មែនទេ? សូមបញ្ចេញមតិនៅខាងក្រោមនេះ
Post a Comment